အကြိမ်ကြိမ်တို့အကြောင်း။

မန္တလေးမြို့မဟာမြတ်မုနိဘုရား ပရဝုဏ်အတွင်းရှိ ရခိုင်ကုလားရုပ်ကြီးများမှာ ရခိုင် ကုလားရုပ်ကြီးများ ဟု ခေါ်ကြသော်လည်း စင်စစ် ထိုအရုပ်ကြီးများသည် ကြေးသတ္ထုဖြင့် ထူထူထဲထဲ သွန်းလုပ်ထားသော ဗိသျှနူးနတ်ရုပ်ကြီးများ ဖြစ်ကြသည်။ ထိုအရုပ်ကြီးများသည် ဘိုးတော်ဘုရားလက်ထက် ရခိုင်မှရောက်လာ ကြခြင်းဖြစ်သည်။                            

ဝမ်းနာရောဂါရှိသော သူများသည် ထိုအရုပ်များ၏ ချက်ကိုနှိုက်လျှင် ရောဂါပျောက်သည် ဟုဆို သဖြင့် မြန်မာပြည် အရပ်ရပ်မှ ရောက်လာကြသော ဘုရားဖူး များအနက် ဝမ်းနာ ရောဂါပျောက်ချင် သူတို့က ထိုကြေးရုပ်ကြီးများ၏ ချက်ကိုလက်ဖြင့် နှိုက်ကြပွတ်ကြသည်။ ဝမ်းနာရောဂါ ပျောက်ချင်သူ ရှေ့လူတွေလိုပင် ဝမ်းနာရောဂါ ပျောက်ချင်သူ နောက်လူများကလည်း သူတစ်လက်ငါတစ်လက် ထိုကြေးရုပ်တို့၏ ချက်ကို အဆက်ဆက် ပွတ်ခဲ့၊နှိုက်ခဲ့ကြသည်။ လက်ဖြင့် ပွတ်ရုံ၊နှိုက်ရုံမျှဖြင့် ထိုအရုပ်ကြီးတွေ ဘာမှမဖြစ်နိုင် ဟု ရှေ့ရှေ့က နှိုက်ခါစ ပွတ်ခါစလူတွေ ထင်မိခဲ့ကြမည်။

သို့ရာတွင်................ ထူထည်းမာကျောသော ကြေးသတ္ထုပင်ဖြစ်သော်ငြားလည်း နှစ်ကာလကြာရှည်စွာ အဆက်ဆက်အခါခါ အကြိမ်ကြိမ်အဖန်ဖန် ပွတ်ခဲ့၊နှိုက်ခဲ့မှုကြောင့် ယခုအခါတွင် ထိုကြေးရုပ်ကြီးများ၏ ချက်တွေ၊ဟောင်းလောင်းပေါက်နေကြပြီ၊ ထိုမျှမကသေး အရုပ်ကြီးတို့၏ မျက်စိကိုပွတ်လျှင်၊ မျက်စိရောဂါပျောက်သည်ဟု မည်သူက စပြောခဲ့သည်မသိ၊ မျက်စိကိုလည်း စဉ်ဆက်ပွတ်ခဲ့ကြရာ ယခုအခါ ထိုအရုပ်ကြီးများ၏ မျက်စိများလည်း ပေါက်ကုန်ကြပြီ။                 

ဓမ္မပဒတွင် “အနည်းငယ်သော မကောင်းမှုသည် ငါ့အားအကျိုးသက်ရောက်လာလိမ့်မည် မဟုတ်ဟု မကောင်းမှုကို မထီမဲ့မြင်မထင်မှတ်ရာ၊ အထင်မသေးရာ၊ မိုးရေပေါက်တို့ အကြိမ်ကြိမ် ကျဖန်များလာသော အခါ ရေအိုးကြီးသည်ပင် ပြည့်လျှံသွားသကဲ့သို့ မိုက်သောသူတို့သည် အနည်းငယ်၊ အနည်းငယ်မျှသော မကောင်းမှုကို ပြုဖန်များသောအခါ မကောင်းမှုဖြင့် ပြည့်လေတော့၏။”

“အနည်းငယ်သော ကောင်းမှုသည် ငါ့အားအကျိုးသက်ရောက်လာမည် မဟုတ်ဟု ကောင်းမှုကို မထီမဲ့မြင် မထင်မှတ်ရာ၊ အထင်မသေးရာ၊ မိုးရေပေါက်တို့ အကြိမ်ကြိမ် ကျဖန်များလာသောအခါ ရေအိုးကြီးသည် ပင် ပြည့်လျှံသွားသကဲ့သို့ ပညာရှိသည် အနည်းငယ်၊ အနည်းငယ်မျှသော ကောင်းမှုကို ဆည်းပူးဖန်များသော အခါ ကောင်းမှုဖြင့် ပြည့်လေတော့၏။”

ဒီလိုပါပဲ အမေရိကန်ပြည်ထောင်စု ကင်တပ်ကီ Kentucky နယ်ရှိ ထုံးကျောက်ကုန်းမြင့်များမှဂူများ၊ နယူးမက်ဆီကိုရှိ ပေ-၄၀၀၀ခန့် ရှည်လျားသော ပေ-၃၀၀၀ခန့် မြင့်သော ပေ-၆၀၀မျှကျယ်သော ကားလ်စဗတ် Carlsbad Cavern ထုံးကျောက်လှိုဏ်ဂူ၊ ထို့နောက် မြန်မာပြည်ပင်းတယမြို့နားက ထုံးကျောက် လှိုဏ်ဂူများ၊ ထိုထိုလှိုဏ်ဂူများအတွင်း၌ အဆန်းတကျယ် ပုံသဏ္ဌာန်မျိုးစုံ ဖြစ်ပေါ်နေသော ကျောက်စက် ပန်းဆွဲ၊ ကျောက်စက်မိုးမျှော်တို့ ရှိကြသည်။ ထုံးရေ   (ကယ်လ်စီယမ်ဟိုက်ဒရောဆိုက်) စက် တို့တစ်ပေါက်

ပေါက် အထပ်ထပ် အကြိမ်ကြိမ်ကျရာမှ နှစ်ကာလ ကြာရှည်လာသောအခါ ထုံးများတဖြည်းဖြည်း စုပုံခြင်းဖြင့် ထိုသို့ကျောက်စက်ပန်းဆွဲ၊ ကျောက်စက်မိုးမျှော်တို့ ဖြစ်လာကြခြင်း ဖြစ်သည်။

ရခိုင်ကြေးရုပ်တုကြီးတွေ ဝမ်းပေါက်၊ မျက်စိပေါက်၊ ဖြစ်ရခြင်းသည် မဖြစ်စလောက်ဟု ထင်ရသော ထိမှု၊ ပွတ်မှုတို့အကြိမ်အရေအတွက်များစွာဖြစ်ခြင်းကြောင့် ဖြစ်သည်။ ကျောက်စက်ပန်းဆွဲ၊ ကျောက်စက်မိုးမျှော်တို့ အဆန်းတကျယ် ဖြစ်ရခြင်း၌လည်း မဖြစ်စလောက်ဟုထင်ရသောထုံးရေစက်ကျခြင်းတို့ အကြိမ်အရေအ တွက် များစွာဖြစ်ခြင်းကြောင့်ဖြစ်သည်။

မဖြစ်စလောက်တို့ အကြိမ်ကြိမ်ဖြစ်သောအခါ ဖြစ်လောက်သွားကြ သည်။  ကြီးကြီးကျယ်ကျယ်တွေ ဖြစ်သွားကြသည်။  

…………………………………………………………………………………………

ဒီတော့ သူငယ်ချင်းတို့တွေလည်း ဘာမှမဖြစ်လောက်ပါဘူးဆိုပြီး ဘဝမှာအမှား လုပ်မိခဲ့တာလေးတွေ ရှိပါလိမ့်မယ်။ နည်းနည်းကနေ များများဖြစ်သွားတတ်တာကို ဒီစာလေးတွေက ထောက်ပြနေပါတယ်။ မကောင်းတာတွေကို နည်းနည်းလေးပါ မဖြစ်လောက်ပါဘူးလို့ လုပ်မိတဲ့အခါမှာ ဒီိစာလေးတွေကို သတိရမိပြီး သူငယ်ချင်းတို့တွေ သတိပြုဆင်ခြင်နိုင်အောင်ပါ။