လူ့သဘာဝအရပဲ ဆိုပါရစေ။ ပတ်ဝန်းကျင်နဲ့ကင်းလို့မရတာမို့ ပေါင်းသင်းဆက်ဆံရေးမှာ အဆင်ပြေခြင်း၊ အဆင်မပြေခြင်းစတာတွေကို ကြုံဆုံကြရပါတယ်။ သူများတကာအပေါ် ကိုယ့်ရဲ့ပြုမူဆက်ဆံပုံဟာ ပတ်ဝန်း ကျင်ရဲ့ ကိုယ့်အပေါ်တုံ့ပြန်ဆက်ဆံပုံတွေဟာ တစ်ထပ်တည်းကျတယ်လို့ မဆိုသာပါဘူး။
တစ်ခါတစ်ရံ မှာတော့ ကိုယ့်အပေါင်းအသင်းတွေ၊ အိမ်နီးချင်းတွေနဲ့ မိသားစုဝင်တွေအပေါ်မှာ မာနကြောင့် ရိုင်းပျတာ ၊မောက်မာတာမျိုး ရှိတတ်တယ်။ ဒါကိုလည်း သတိထားမိချင်မှထားမိမယ်။ ဒါပေမယ့် သူများတကာက ကိုယ့်အပေါ်အဆင်မပြေတဲ့ ဆက်ဆံမှုတွေကိုတော့ ဒေါသတကြီး ဖြစ်မိတတ်ရော။ ကိုယ်နှင့်ဆက်ဆံသူတိုင်းဟာ ယဉ်ကျေးသိမ်မွေ့မှုမရှိကြဘူး။ ကိုယ်တိုင်ကတော့ အပြစ်ကင်းတယ်လို့ ယုံကြည်နေတတ်တာဟာ တကယ်တော့ အန္တရာယ်ရှိတယ်လို့ ဆိုရမယ်။ အမှန်တော့ ကိုယ့်ရဲ့ စိတ်ရင်းအမှန် ကို မကြာခဏဆိုသလို ဆန်းစစ်ကြည့်သင့်တယ်။
နေ့စဉ်ဘ၀ကြုံဆုံရတဲ့ လူတွေဟာ စရိုက်အမျိုးမျိုး၊ စိတ်ထားအမျိုးမျိုး၊ ရှိကြသူတွေပါပဲ။ ကိုယ်ဟာအတ္တ ကြီးမားသူဆိုရင်တော့ ဆက်ဆံရေးမှာ အဆင်မပြေဖြစ်ဖို့ကတော့ သေချာသလောက်ဖြစ်မယ်။ ဘာဖြစ်လို့ လည်းဆိုတော့ ကိုယ့်ဆန္ဒကိုပဲ ဦးစားပေးပြီး သူများတကာကို လုံးဝထည့်မစဉ်းစားလို့ပဲပေါ့။ နောက်ပြီး ကိုယ့်အယူအဆဟာ အမြဲတမ်းမှန်တယ်လို့ ယုံကြည်ထားတယ်။ ကိုယ့်အပေါ်နှစ်လိုပုံ မပြတဲ့သူကိုလည်း လစ်လျူရှုထားတယ်။ အဲဒီသူနဲ့အဆင်ပြေအောင် ပြောဆိုဆက်ဆံဖို့ မကြိုးစားသလို ညှိနှိုင်းဖို့လည်း စိတ်ကူးမရှိဘူး။
တချို့ရှိတယ်။ သူတို့ကို ပတ်ဝန်းကျင်က ခင်ခင်မင်မင်ရှိတယ်ဆိုရင် သူတို့ပြောသမျှ စကားအောင်ပြီး သူတို့ပြောဆိုသမျှ ငြင်းပယ်နိုင်မယ့်သူ မရှိဘူးလို့ ယုံကြည်ထားရော။ ပတ်ဝန်းကျင်ဆိုတာ ကို အလေးအနက်ထည့် မစဉ်းစားချင်တော့ဘူး။ အချိန်မရွေးလှည့်ပတ်ပြောဆိုလို့ ရနိုင်တာပဲလို့လည်း ထင်ထားတယ်။ ဆိုပါစို့။
အဲဒီလိုလူစားမျိုးမှာ အခက်အခဲတစ်စုံတစ်ရာကြုံလာခဲ့ရင် ပတ်ဝန်းကျင်ကို အရေးတကြီး အကူအညီတောင်း ဖို့ ၀န်မလေးဘူး။ ဒါပေမယ့် သူနဲ့ရင်းနှီးခင်မင်သူ တစ်စုံတစ်ဦးမှာ အခက်အခဲကြုံလို့ အကူအညီတောင်းလာ ခဲ့ရင်တော့ မသိကျိုးကျွန်ပြုနေတတ်တယ်။ အကူအညီပေးဖို့လေးဖင့်နေတယ်။ ရှိသေးတယ်။ သူနဲ့အဆင် မပြေတဲ့ အပေါင်းအသင်းမိတ်ဆွေအကြောင်း၊ အိမ်နီးချင်းနဲ့မိသားစုဝင်တွေ အကြောင်းကို မထိမ်မချန် ဘဲ လျှောက်ပြောတတ်ပြန်ရော။
တကယ်တော့ စိတ်ရင်းကောင်းပြီး ညှာတာထောက်ထားတတ် သူတိုင်းဟာ သူများနဲ့ ညှိညှိနှိုင်းနှိုင်း ဆောင်ရွက်လေ့ရှိတယ်။ ပြစ်တင်ရှုတ်ချတာကို မလိုလားဘူး။ တစ်စုံ တစ်ယောက်က သူ့ကိုနှစ်လိုဟန်မပြဘူးဆိုရင် အလျင်စလိုဒေါသမထွက်ဘဲ ဘာကြောင့်
ဖြစ်ရပါလိမ့်ဆိုတဲ့ အတွေးနှင့်ပြန်ပြီး ဆင်ခြင်ဆန်းစစ်တယ်။ အဲဒီနောက်ကိုယ်တိုင်က မှားယွင်းနေတာဆိုရင် ချက်ချင်းပြန်ပြင်လိုက်တယ်။
တစ်ဖက်သားရဲ့လွဲမှားမှုမျိုးဆိုရင် သူ့အပေါ်သူ့အပေါ် သဘောထားအမြင်ပြောင်းပြီး မြင်လိုက်တယ်။ စိတ်ရင်းကောင်းသူဟာ သူ့အပေါ်ခင်မင်ရင်းနှီးသူတွေနဲ့ အခင်မင်ပျက်စေမယ့် အရာမှန်သမျှ အတတ်နိုင် ဆုံးရှောင်တယ်။ သတိလည်းထားတယ်။ သူဟာဘ၀မှာအောင်မြင်လာတဲ့ အခါမှာလည်း
မောက်မာလေ့မရှိ ဘူး။ နှိမ့်ချပြီးဆက်ဆံတတ်တယ်။ သူ့အနေနဲ့ အရောတ၀င်ခင်မင်လိုစိတ်မရှိသူ တစ်ယောက်က သူ့ကိုရင်းနှီး ခင်မင်နေမယ်ဆိုရင်တော့ သနားစိတ်နဲ့ တုံ့ပြန် ခင်မင်နိုင်အောင် ကြိုးစားမှာတော့ အသေအချာပါပဲ။
ဆိုပါစို့။
တစ်ခါတစ်ရံမှာ သူ့အတွက်အခက်အခဲတစ်ခုခုကြုံရမယ်။ ကျန်းမာရေးချို့ယွင်းမယ်ဆိုရင် ကိုယ်တိုင်ဖြေ ရှင်းနိုင်အောင် ကြိုးစားမယ်။ သူ့အတွက်နဲ့ သူများမှာ ၀န်ပိသွားမှာကိုတော့ အရမ်းစိုးရိမ်တတ်ပါတယ်။ ဒါပေမယ့်လည်း စိတ်ရင်းစေတနာကောင်းမွန်သူဟာ သူပြုခဲ့တဲ့ လူမှုအကျိုးပြုစိတ်ဓာတ်ကြောင့် အခက်အခဲ ကြုံကြိုက်တဲ့အခါ လှိုက်လှိုက်လှဲလှဲ ကူညီပေးမယ့်သူ မရှားပါဘူးဆိုတာ လက်တွေ့ကြုံဆုံလာရပါလိမ့်မယ်။ ကျယ်ဝန်းလှတဲ့ ပေါင်းသင်းဆက်ဆံရေးနယ်ပယ်ထဲမှာ စိတ်ရင်းစေတနာကောင်းသူတွေအတွက် အဆင်ပြေ ချောမွေ့နိုင်ပါတယ် ဆိုတဲ့အကြောင်း………..။
(ရန်)
